Ақтөбе өнеркәсіптік технологиялар колледжі - білім сапасы жоғары оқу орны. Орта мектептің 9 және 11 сыныптарының базасында мамандар даярлауды жүзеге асыра отырып, техникалық, кәсіптік, орта білімнен кейінгі білім беру саласында қызметтер көрсетеді. Оқуды аяқтағаннан кейін бітірушіге мемлекеттік үлгідегі диплом беріледі.

Колледждің кейбір артықшылықтары:

Мықты оқытушылар құрамы: көптеген педагог қызметкерлердің жоғары және бірінші біліктілік санаты бар.
Колледж мемлекеттік білім беру тапсырысын бөлуге қатысады және тегін оқуға гранттар ұсынады.
Студенттерге арналған стипендиялар.
Тегін ыстық тамақ.
Практикадан өтуге және жұмысқа орналасуға жәрдемдесу.
Сұранысқа ие мамандықтар.
Жақсы материалдық-техникалық база: барлық кабинеттер заманауи техникалық жабдықтармен жабдықталған.
Белсенді студенттік өмір.

Колледжге оқуға қабылдау туралы өтінішке оқуға түсушілер:

• білім туралы құжаттың түпнұсқасы,
• № 075-У нысан бойынша медициналық анықтама; І және ІІ топтағы мүгедектер мен бала кезінен мүгедектер үшін - № 078-У нысан бойынша медициналық-әлеуметтік сараптаманың қорытындысы,
• 3х4.см фотосуреттер - 4 дана,
• сәйкестендіру үшін жеке басын куәландыратын құжат (көшірмесі).

Құжаттарды келіп түсушінің өзі немесе оның заңды өкілдері ұсынады. Қабылдау квотасы көзделген колледжге оқуға түсетін адамдар санатын растайтын құжаттарды ұсынады.

Сондай-ақ құжаттарды «ҚР Электрондық үкіметі» порталы арқылы онлайн жіберуге болады - egov.kz.

Туындаған сұрақтар бойынша колледждің қабылдау комиссиясына телефон арқылы немесе әлеуметтік желілер арқылы хабарласыңыз.