2026 жылы жоғары оқу орындарына түсуге арналған ҰБТ-ның шекті балдары бекітілді

13 қараша 2025 жыл

 

Ұлттық тестілеу орталығы 2026 жылы жоғары оқу орындарына қабылдау кезінде қолданылатын Ұлттық бірыңғай тестілеудің (ҰБТ) шекті балдарын жариялады.

 

Тестілеу форматы өзгеріссіз қалады: бес пән тапсырылады, оның үшеуі – міндетті, екеуі – бейіндік.

 

Ресми ақпаратқа сәйкес, сынақтан сәтті өту үшін талапкер келесі ең төменгі нәтижелерді жинауы тиіс:

 

Математикалық сауаттылық және оқу сауаттылығы пәндерінің әрқайсысында 10 тапсырмадан, екі пән бойынша да шекті балл – 3;

 

Қазақстан тарихы пәні – 20 тапсырма, шекті балл – 5;

 

Бейіндік екі пәннің әрқайсысында 40 тапсырма, ең жоғары балл – 50, шекті балл – 5.