“Халықаралық қатынастар” білім беру бағдарламасының мақсаты – шет мемлекеттердің сыртқы саясатының негізгі бағыттарын, олардың дипломатиясы мен Қазақстанмен қарым-қатынасының ерекшеліктерін түсіне білетін; қазіргі заманғы динамика мен халықаралық қатынастар жүйесінің даму болашағын бағдарлай алатын; дипломатиялық этикет пен хаттаманың негіздерін тәжірибеге енгізе білетін; еңбек нарығындағы бәсекеге қабілеттілікті талдай отырып, кәсіпкерлік қызметті ұйымдастыруда білімдерін көрсететін; мәдениетаралық қарым-қатынаста кәсіби шет тілдерін қолдана алатын қазіргі заманғы жаһандық процестерді саяси, экономикалық және дипломатиялық аспектілерде бағалауға негіз болатын білімі бар халықаралық қатынастар саласының жоғары білікті мамандарын даярлау.

“Халықаралық қатынастар” білім беру бағдарламасының ерекшеліктері:

• Екі шет тілін үйрену (Ағылшын-негізгі, қытай/түрік-таңдау бойынша). Студенттер бірінші курстан бастап бүкіл оқу кезеңінде шет тілдерін оқитын болады;
• Халықаралық қатынастар саласында қызмет ететін мемлекеттік құрылымдардың – ҚР Сыртқы істер министрлігінің, Қазақстан Республикасының Мемлекеттік басқару органдарының, сондай-ақ әлемдік саясат және әлемдік экономика саласында жұмыс істейтін ұйымдардың кәсіби қызметінің ерекшеліктері туралы білімді қалыптастыру; көпжақты және интеграциялық дипломатия тетіктерін бағдарлай білу
• Жетекші шет мемлекеттердің сыртқы саясатының негізгі бағыттарын, Қазақстанмен өзара қарым-қатынас ерекшеліктерін зерделеу
• Халықаралық қауіпсіздік жүйелерінің негізгі сипаттамаларының динамикасын бақылау, ұлттық және халықаралық қауіпсіздік контекстінде жаһанданудың ерекшеліктерін талдау және дамыту дағдыларын меңгеру
• Халықаралық жүйелердің архитектурасын түсіну, халықаралық және аймақтық ұйымдар қызметінің мақсаттары мен қағидаттарын айқындай білу; халықаралық институттардың Қазақстанның сыртқы саяси қызметіне рөлі мен әсерін бағалау