Астана қаласы әкімдігінің жоғары медициналық колледжі (ЖМК) - көне оқу орындарының бірі. Колледж тарихы 1935 жылы Ақмола медбикелік мектебінің ашылуынан бастау алады.

Жоғары медициналық колледж техникалық, кәсіптік, орта білімнен кейінгі білім беру саласында орта мектептің 9 және 11-сыныптарының базасында білімі бар мамандар даярлауды жүзеге асыра отырып қызмет көрсетеді. Оқу аяқталғаннан кейін бітірушіге мемлекеттік үлгідегі диплом беріледі.

Колледж базасында Өңірлік симуляциялық орталық жұмыс істейді, онда акушерлік және гинекология, терапия, педиатрия, хирургия, мейіргерлік күтім салалары бойынша практикалық дағдыларды пысықтау үшін қажетті заманауи симуляциялық жабдықтармен жабдықталған станциялар орналасқан. Орталықтың мақсаты денсаулық сақтау саласындағы мамандарды үздіксіз кәсіби дамыту және олардың шұғыл көмек көрсету жөніндегі практикалық дағдыларын жетілдіру болып табылады.

Мемлекеттік қызмет көрсету үшін талап етілетін құжаттар тізбесі:

1) құжаттарды қабылдау туралы өтініш;

2) білімі туралы құжаттың түпнұсқасы;

3) 3x4 см көлеміндегі цифрлық фотосурет;

4) № 075-У нысаны бойынша медициналық анықтама, бірінші немесе екінші топтағы мүгедектігі бар адамдар мен бала жасынан мүгедектігі бар адамдар үшін № 031-У нысаны бойынша медициналық-әлеуметтік сараптама қорытындысы;

5) арнаулы мемлекеттік органдар және құқық қорғау органдары, азаматтық қорғау органдары, мемлекеттік фельдъегерлік қызмет қызметкерлерінің, қызметтік міндеттерін атқару кезінде қаза тапқан (қайтыс болған) немесе мертiгуi (жаралануы, жарақаттануы, контузия алуы) салдарынан мүгедектік белгіленген әскери қызметшілердің, сондай-ақ медицина қызметкерлерінің балаларын (оның ішінде асырап алған ұлдарын, асырап алған қыздарын, бірге тұратын өгей ұлдары мен өгей қыздарын) мәртебесін растайтын құжаттың электрондық көшірмесі;

6) цифрлық құжаттар сервисінен электрондық құжат (тұлғаны салыстыру үшін).

Көрсетілетін қызметті алушылар– шетелдіктер және азаматтығы жоқ адамдар олардың мәртебесін айқындайтын, тұрғылықты жері бойынша тіркелгендігі туралы белгісі бар құжатты ұсынады:

1) шетелдік – шетелдіктің Қазақстан Республикасында тұруға ықтияр хаты;

2) азаматтығы жоқ тұлға – азаматтығы жоқ тұлғаның куәлігі;

3) босқын – босқын куәлігі;

4) пана іздеуші тұлға – пана іздеуші тұлғаның куәлігі;

5) қандас – қандас куәлігі.