Қазақстан-Британ техникалық университеті (ҚБТУ) – аймақтағы жетекші техникалық университеттердің бірі. Әлемдік экономиканың түрлі салалары үшін ғылыми зерттеулермен, оқытумен және ғылыми элитаны, жоғары білікті кадрларды даярлаумен айналысады.

ҚБТУ-да оқудың кейбір артықшылықтары:

• Ағылшын тілінде оқыту (түсу үшін ҰБТ сертификаты және тілдік сертификаттарды ұсыну қажет: IELTS – 5.5, TOEFL iBT – 46, Step)
• Жетекші компаниялармен бірлесіп әзірленген заманауи білім беру бағдарламалары
• Академиялық ұтқырлыққа және алмасу бағдарламаларына қатысу мүмкіндігі
• Технологиялық инфрақұрылым: зертханалар, симуляторлар, цифрлық ресурстар
• Студенттердің, оқытушылардың және түлектердің мықты академиялық қауымдастығы
• Индустриямен байланыс студенттерге байланыс желісіне, нақты кейстерге және тағылымдамадан өту мүмкіндіктеріне қол жеткізуді қамтамасыз етеді

Қажетті құжаттар тізімі:

• Өтініш (құжаттарды қабылдау комиссиясына тапсыру кезінде толтырылады)
• Абитуриенттің сауалнамасы (онлайн)
• Жеке куәлік (көшірмесі)
• Аттестат және қосымшасы (түпнұсқасы)
• ҰБТ сертификаты (ҰТК жеке кабинетінен басып шығарылған нұсқасы)
• Ағылшын тілі сертификаты: IELTS 5.5 / TOEFL iBT 46 / STEP KBTU B1 (көрсетілгендердің бірі - Көшірмесі)
• 3x4 см фотосурет - 1 дана (түпнұсқасы)
• № 075-У медициналық анықтамасы (6 ай - түпнұсқасы)
• Флюорография суреті (1 жыл - түпнұсқасы)
• 063/у нысаны (егу картасы - көшірмесі)
• Тіркеу куәлігі/әскери комиссариаттан анықтама (жігіттерге - көшірмесі)
• МЖБЖ / ҚБТУ жеңілдігіне басым құқығы бар әлеуметтік санатты растайтын құжаттар
• Оқу шарты (электронды)
• Egov жүйесінде тіркелгендігі
• Student Fee төлемі туралы түбіртек (40 000 теңге) Halyk Bank-тен басып шығарылған түбіртек
• 1 семестрге оқу ақысын төлеу туралы түбіртек (ақылы бөлімге түсушілер үшін) Halyk Bank-тен басып шығарылған түбіртек

Туындаған сұрақтар бойынша қабылдау комиссиясына телефон арқылы немесе әлеуметтік желілер арқылы хабарласыңыз.