Нұр-Мүбарак Египет ислам мәдениеті университеті – Қазақстан Республикасы мен Египет Республикасы арасындағы өзара келісім бойынша құрылған жоғары оқу орны. Бұл жоғары білікті исламтанушыларды, дінтанушыларды, араб-ағылшын тілі филологтарын даярлайтын жалғыз университет. Қазақстанның ТОП-20 жоғары оқу орындарының қатарына кіреді.

Университет Алатау бөктерінде, қаламыздың экологиялық таза ауданында орналасқан. Университет құрамында: 2 оқу корпусы, жатақхана, спорт кешені (футбол, волейбол, баскетбол алаңдары, мұз айдыны, жаттығу залы), кітапхана, оқу аудиториялары, студенттерге қызмет көрсету орталығы, асхана бар.

Сабақтар араб тілінде жүргізіледі. Жоғары оқу орнының студенттері Египет университеттерінде (әл-Азһар, Александрия және Әлмения) курстардан өтуге, тәжірибеден өтуге және магистратура мен докторантураға түсіп, оқуын жалғастыруға мүмкіндігі бар. Жоғары оқу орнының түлектеріне мемлекеттік үлгідегі диплом беріледі.

Университетке түсу үшін қажетті құжаттар:

• өтініш
• сертификат немесе диплом (түпнұсқасы)
• 3х4 см фотосурет – 8 дана
• № 075-У нысаны бойынша медициналық анықтама
• № 063 нысаны бойынша екпе анықтамасы
• жеке куәлігіңіздің және басқа құжаттардың көшірмесі

Туындаған сұрақтар бойынша қабылдау комиссиясына телефон арқылы немесе әлеуметтік желілер арқылы хабарласыңыз