КИМЭП Университеті – 1992 жылы батыстық үлгідегі білім беру қажеттілігін қанағаттандыру үшін Президент Н.Ә. Назарбаевтың нұсқауымен д-р Чан Йан Бэнг негізін қалаған, ТМД елдеріндегі жетекші, әрі инновациялық оқу орны. Отыз жылдан астам уақыт ішінде КИМЭП бизнес, әлеуметтік ғылымдар, экономика, шет тілдері мен гуманитарлық ғылым, компьютерлік ғылым және құқық салаларында 17 бакалавриат, 14 магистратура, 7 докторантура бағдарламаларын, дәреже тайғайындаусыз курстар мен сертификаттық бағдарламаларды ұсынатын әлемге әйгілі университетке айналды.

КИМЭП Университетінің барлық бакалавриат және магистратура бағдарламалары халықаралық іскерлік әкімшілік саласындағы акредиттеу федерациясының (FIBAA) аккредитациясын қоса алғанда, мойындалған аккредиттеу агенттіктерінен халықаралық аккредитациясынан өткен. Бұған қоса, қаржы бакалавриаты бағдарламасы Менеджментті дамытудың еуропалық қорының (EFMD) аккредитациясын алған.

КИМЭП Университеті жоғары дәрежелі академиялық бағдарламаларды ұсынумен шектелмейді. Университет студенттердің әл-ауқаты (өркендеуі) мен жеке тұлғалық дамуына ерекше көңіл бөлетінімен ерекшеленеді.

Университет түлектері тек жоғары білікті маман ретінде ғана емес, сонымен қатар осы құндылықтарды бойына сіңірген тұлға ретінде танымал, сондықтан олар еңбек нарығында ерекше сұранысқа ие. Түлектеріміз ірі жергілікті және халықаралық фирмалар мен ұйымдарға жұмысқа орналасып қана қоймай, бүкіл әлем бойынша түрлі жоғары кәсіби рөлдерде еңбек етеді. Біздің түлектеріміздің арасынан көптеген Қазақстандық саяси және бизнес көшбасшылары шыққан.

КИМЭП Университеті Қазақстандық және аймақтық көшбасшылардың болашақ ұрпақтарын тәрбиелейтін білім ордасы ретінде қызмет етеді. КИМЭП Университеті инновациялық және бейімделгіш оқу орны ретінде өз қызметін студенттерінің және жалпы Қазақстан мемлекеті мен қоғамның қажеттіліктерін қанағаттандыруын жалғастыруда.

Бакалавриат бағдарламаларына түсуге арналған құжаттар тізбесі:

• өтінімнің толтырылған нысаны;
• паспорттық өлшемдегі (3х4) төрт фотосурет - түсті немесе қара-ақ, 1 жыл бұрын;
• паспорттың немесе жеке куәліктің көшірмесі;
• аттестаттың көшірмесі (түпнұсқасы болған жағдайда) немесе талапкердің мамандануын көрсете отырып, бітіруші сыныптың/соңғы оқу жылының оқушысы болып табылатынын растайтын мектептен алынған анықтама;
• мектеп растаған бітіруші сыныптың/соңғы оқу жылының оқушылары үшін 10-11 сыныптар үшін бағалары бар транскрипттердің немесе мектеп табельдерінің көшірмелері;
• жоспарланған оқыту саласындағы кез келген сертификаттардың, грамоталардың немесе наградалардың көшірмелері, сондай-ақ 9-11 сыныптар үшін кез келген басқа да сертификаттар, грамоталар және наградалар (тілдерді білу, спорттық жетістіктер бойынша және т.б.).