Ақсай техникалық колледжі жоғары педагогикалық және техникалық білімі бар штаттық оқытушылармен қамтылған.

Жоғары және бірінші санаты бар оқытушылар саны жалпы педагогтар санының 47,5 % құрайды. Мамандар дайындаудың сапасы оқытушылар мен өндірістік оқытушыларының кәсіби құзіреттілігіне тікелей тәуелді. Осыған байланысты оқытудың жаңа технологиясы мен әдістерін қолдануға көмек беру, оқытушылар мен өндірістік оқыту шеберлерінің шығармашылық және ғылыми – зерттеушілік қызметін дамыту басты міндеттері болып саналатын әдістемелік қызмет рөлі арта түсуде.

Біздің колледжде 3 әдістемелік бірлестік жұмыс істейді: гуманитарлық цикл, ғылыми - жаратылыстану циклі және кәсіби цикл. Техникалық прогресс пен ғылыми ақпарат көлемінің артуы, білім мазмұны мен оқу – тәрбие мекемелерінің қызметі принциптерінің қайта құрылуы педагогтардың жеке және кәсіби құзіреттілігіне талапты арттырады. Жыл сайын оқытушылар мен өндірістік оқыту шеберлері өздерінің кәсіби деңгейлерін арттырып отырады.

Ақсай техникалық колледжінің білікті инженер – педагогикалық ұжымы өз ісін талдай білетін, техникалық және экономикалық негіздерді салыстырып, шешім қабылдай алатын бәсекеге қабілетті мамандарды дайындайды.

Қайшылықтар мен қатыгездіктерге және дағдарыстар көріністеріне толы үлкен де күрделі әлемде біздер болашақты ойлаймыз. Ал біздің болашағымыз жарқын да тамаша болуы тиіс. Оны осылайша құру өз еліне берілген, кәсіби жағынан жетілген жастардың ғана қолынан келеді.

Біздер осындай жастарды Ақсай техникалық колледжі қабырғасында дайындаймыз. Педагогикалық ұжымымыз студенттердің кәсіби жағынан дайындықтарына ғана көңіл бөліп қоймайды, сонымен қатар біздің әрбір тәрбиеленушіміздің өздерінің жеке істері мен көзқарастары үшін өз елінің алдында жауап беретіндей тұлға болып қалыптасуына үлкен көңіл бөледі.

Біздер өзіміздің колледжімізде өмірден өз орнын табуға асығушыларды, мамандық алып, нағыз үлкен және жауапты адам болам деушілерді күтеміз