«Тарлан» АМУ Ақтөбе көпсалалы колледжі - 2002 жылы Қ.Жұбанов атындағы Ақтөбе мемлекеттік университетінің көпсалалы колледжі ретінде құрылған жеке меншік оқу орны. 2013 жылы колледж өзінің профессорлық-оқытушылық құрамын сақтап, университеттен бөлінді. Қазіргі уақытта колледж өз қызметін мемлекеттік стандарт талаптарына сәйкес жалғастыруда.

Колледждің кейбір артықшылықтары:

Күшті оқытушылар құрамы: 3 академик, 3 профессор, 4 ғылым кандидаты, 5 ғылым магистрі, 15 жоғары санатты оқытушы, 16 бірінші санатты оқытушы.
Тегін оқытуға мемлекеттік гранттар.
Студенттерге арналған стипендиялар.
Практикадан өтуге және жұмысқа орналасуға жәрдемдесу.
Жақсы материалдық-техникалық база: тіл сыныбы, компьютерлік сыныптар, көркемөнер студиясы, фотостудиялар, тігін цехы, медициналық кабинеттер, кітапхана, оқу залы, конференц-зал, спорт залы, асхана.
Белсенді студенттік өмір.

Колледжге оқуға қабылдау туралы өтінішке оқуға түсушілер:

• білім туралы құжаттың түпнұсқасы,
• № 075-У нысан бойынша медициналық анықтама; І және ІІ топтағы мүгедектер мен бала кезінен мүгедектер үшін - № 078-У нысан бойынша медициналық-әлеуметтік сараптама қорытындысы,
• 3х4.см фотосуреттер - 4 дана,
• жеке басын куәландыратын құжат (сәйкестендіру үшін).

Оқуға түсу үшін құжаттарды оқуға түсушінің өзі немесе оның заңды өкілдері ұсынады. Қабылдау квотасы көзделген колледжге оқуға түсетін адамдар санатын растайтын құжаттарды ұсынады.

Туындаған сұрақтар бойынша колледждің қабылдау комиссиясына телефон арқылы немесе әлеуметтік желілер арқылы хабарласыңыз.